Zərdab rayonu
- 05 fevral 1935-ci ildə təşkil olunmuşdur.
- 01 yanvar 1963-cü ildə ləğv edilərək Ucar rayonu ilə birləşdirilmişdir.
- 06 yanvar 1965-ci ildə müstəqil rayon statusu bərpa edilmişdir.
- 1 şəhər, 1 qəsəbə və 40 kənd olmaqla, 42 yaşayış məntəqəsindən ibarətdir.
- Yaşayış məntəqələrinin yarıdan çoxu, 22-si Kür çayı sahilində yerləşir.
- 28 inzibati ərazi dairəsi üzrə nümayəndəlik və 27 bələdiyyə fəaliyyət göstərir.
- Aran iqtisadi rayonunun tərkibində, Mərkəzi-Aranda, Şirvan düzündə yerləşir.
- Kürdəmir, Ağdaş, Ucar, təbii sərhəd olan Kür çayı nəzərə alınmazsa, İmişli, Bərdə, Ağcabədi, Beyləqan rayonları ilə həmsərhəddir.
- Kür çayı üzərində tikilmiş körpü rayonu Ağcabədi ilə, ümumən isə Qarabağla birləşdirir.
- Ərazisi 855,6 kvadrat kilometrdir.
- Ərazisi respublika ərazinin təxminən 1 %-ni, yerləşdiyi iqtisadi rayonun ərazisinin isə təxminən 4%-ni təşkil edir.
- Əhalinin sayı 59700 nəfərdir (01.01.2021-ci il).
- Əhalinin sıxlığı: 1 kvadrat kilometrə 69 nəfər (01.01.2021-ci il).
- Bakıdan şosse yolu ilə məsafəsi 231 kilometrdir.
- Ucar dəmiryolu stansiyasından 35 km məsafədə yerləşir.
- Səthi düzənlik olub, əsasən, okean səviyyəsindən aşağıdadır.
- Dəniz səviyyəsindən 11 metr aşağıda yerləşir.
- Qışı mülayim, yayı quraq isti keçən yarımsəhra və quru çöl iqlimi xarakterikdir.
- Torpaqları boz-çəmən torpaqlarıdır.
- Yovşanlı-şoranlı, yovşanlı-efemerli yarımsəhra bitkiləri üstünlük təşkil edir.
- Əsas çayları Kür və Türyançayın aşağı axını olan Qarasu çaylarıdır.
- Kür və Qarasu çayları Zərdabda qovuşur.
- Kür çayı boyunca Tuqay meşələri uzanır.
- Kür çayının keçmişdə keçdiyi axın yataqları ərazidə axmazlar kimi qalmışdır.
- Aşağı Şirvan Kollektoru rayon ərazisindən keçir.
- Ərazidə neft-qaz yataqları aşkar edilmişdir.
- İSO kodu: AZ-ZAR
- Telefon kodu: (+994) 20
- Poçt indeksi: AZ 6300
- Avtomobil nömrəsi: 63
- Mətbuat orqanı «Əkinçi» qəzetidir.
Müəllif hüquqları qorunur. Yazılardan istifadə edərkən mənbə göstərilməlidir.
Zardab rayonu 